 Stjørnan a G14 hittu H71 í steypafinaluni í høllini á Hálsi ídag. Sera spennandi var í morgun, tá gentur 14 hittust heima til brunch hjá einum av stjørnuleikarunum og nógv var tosað um hvussu og hvat skuldi gerast í dag í steypafinaluni. Gentur14 hava verið sera raskar gjøgnum alt kappingarárið og sást týðiliga at genturnar vóru sera spentar. Í fyrra hálvleiki gekk tó ikki sum ætlað. Stjørnuleikarnir funnið ikki heilt sítt góða spæl fram, meðan H71 vóru rættliga tendraðar og løgdu seg beinaveg á dystin. Spælið hjá Stjørnugentunum var heldur stirvið og vóru H71 genturnar klárt betra liðið í fyrra hálvleiki. Stjørnugenturnar strýddist tó óført og í seinna hálvleiki gekk betri og dysturin gjørdis meira javnur, men sigast kann, at dysturin bleiv longu avgjørdur í fyrra hálvleiki og H71 vann dystin 18-10. Stjørnan ynskir G14 hjartaliga til lukku við silvurinum og eru vit øll sera stolt av, at tit megnaðu at koma so langt í kappingini. Vit gleða okkum at fylgja tykkum víðari og ivast ikki í, at einaferð bera tit gullið til Klaksvíkar:) Stjørnan ynskir eisini H71 hjartaliga til lukku við gullinum:)  |
Aðrir stuðlar
Úrslitatænastan
|