Tað gekk heldur ikki móti Neistanum

Neistin var favorittur undan dystinum í dag, tá okkara kvinnur vitjaðu í Havn. Tað sá heldur onki út hjá okkara kvinnum í fyrra hávleiki. Eitt skifti var Neistin frammanfyri við nýggju málum. Tað eyðnaðist tó okkara kvinnum at pynta eitt sindur um støðuna, áðrenn farið varð til hálvleiks. Hálvleiksstøðan var 16-11 til Neistan

Eins og í dystinum móti VB brendu okkara kvinnur fleiri upplagdar málmøguleikar, og gjørdu ov nógv mistøk. Dagurin í dag var heldur ikki dagurin hjá Simonu. Neistamálverjin hevði lisið væl uppá, og bjargaði fleiri av skotroyndunum hjá Simona. Hinvegin so lá m.a. betur fyri hjá Judith, Unu og Lovisu at skora mál í dag, enn tað vanliga ger. Tá samanumkom, vann Neistin dystin 29-25.

Hjá okkara kvinnum er ikki annað at gera, enn at taka tað positiva frá dystinum í dag, og tað vóru tað hóast alt nøkur ting, við til næsta dyst, sum verður móti Tjaldur komandi sunnudag.