Stjørnan leggur hart út hetta kappingarárið við at økja um venjingartíðinar hjá yngru deildunum. Venjingarnar byrja aftur nú í komandi viku og hevur tú hug at venja við í ár, skalt tú einans finna tær innandurðaklæðini fram og møta upp til ásettu venjingartíðir!

• Vaksin eru spælarar, sum hava fylt 17 ár fyri 1. januar í kappingarárinum.
• Old girls og old boys eru vaksin, sum hava fylt 32 ár fyri 1. januar í kappingarárinum.
• Veteranar eru vaksin, sum hava fylt 40 ár fyri 1. januar í kappingarárinum.
• U 23 eru kvinnur, sum ikki hava fylt 24 ár, fyri 1. januar í kappingarárinum.
• U 17 eru spælarar, ið ikki hava fylt 18 ár, fyri 1. januar í kappingarárinum.
• Gentur 14 og dreingir 14 eru spælarar, sum hava fylt 13 ár, men ikki hava fylt 15 ár fyri 1. januar í kappingarárinum.
• Gentur 12 og dreingir 12 eru spælarar, sum hava fylt 11 ár, men ikki hava fylt 13 ár fyri 1. januar í kappingarárinum.
• Gentur 10 og dreingir 10 eru spælarar, sum hava fylt 9 ár, men ikki hava fylt 11 ár fyri 1. januar í kappingarárinum.

  
Øll eru hjartaliga vælkomin!