NevndinSúsanna Lydersen, forkvinna, tel. +298 216495
Una Váðklett, næstforkvinna, tel. +298 216220 Osla Norðá, nevndarlimur tel. +298 758833 Sylvia Løvenskjold Hansen, kassameistari Annika Magnusdóttir Arge, nevndarlimur, tel. +298 279528 Maria Kruse Højgaard, skrivari og miðlasamskipari, tel. +298 255522 Durita Ljósstein Johansen, samskipari, tel. +298 276537 Samskipari Durita Ljósstein Johansen, tel: +298 276537 |
|
|
Viðtøkur fyri Hondbóltsfelagið Stjørnan
§1 Navn og heimstaður
stk 1.
Navn felagsins er Hondbóltsfelagið Stjørnan, hereftir bert nevnt Stjørnan.
Heimstaður felagsins er Klaksvík, og er heimavøllur felagsins Kí-høllin í
Klaksvík.
Stjørnan spælir í reyðum búna við hvítum frámerki/strípum, útibanabúni er
hvítur við reyðum framerki/strípum.
Stk.2
Stjørnan er limur í Hondbóltsamband Føroya, stytt HSF.
§2 Endamál og virki
stk. 1
Endamál felagsins er fyrst og fremst at menna hondbóltsspælara.
Stjørnan skal virka fyri at børn, ung og vaksin kunnu hava haldgóðar karmar til
at venja hondbólt í, og at geva øllum liðum felagsins skikkaðar venjara. Hetta
fyri at kveikja áhugan og virka til frama fyri hondbólti í Norðoyggjum.
Stjørnan skal arbeiða stigvíst fram ímóti at menna hondbóltspælara og harvið
virka fyri at menna hondbóltin í Norðoyggjum.
Stk.2
Stjørnan skal sum limur í HSF fylgja teim reglum, lógum og ásetingum í
sambandið við kappingar, sum HSF setir.
§3 Limaviðurskifti
Stk.1
Øll, sum taka undir við endamáli felagsins, kunnu vera limir.
Limaskapur fæst við at rinda tað av aðalfundinum árligt ásetta limagjaldið.
Limirnir í Stjørnuni hava fylgjandi rættindi:
a) at taka lut á aðalfundi felagsins, fáa kunnleika til dagsskránna
frammanundan, fáa innkalling til aðalfundin samsvarandi ásettu freistini og at
nýta atkvøðurættindi síni;
b) at seta fram uppskot til dagsskránna til aðalfundin;
c) at seta fram uppskot til valevni til nevnd og bólkar hjá felagnum;
d) at fáa upplýsingar um viðurskiftini hjá felagnum gjøgnum nevndina
e) taka lut í kappingum og/ella øðrum ítróttavirksemi hjá felagnum;
f) nýta øll onnur rættindi samsvarandi viðtøkum og reglugerðum hjá felagnum.
g) Aðalfundur felagsins kann koyra lim úr felagnum, hevur hann eftir
aðalfundsins meting mótarbeitt felagnum ella myndugleikum tess, ella hevur
víst ósømiligan atburð ella á annan hátt víst ringan ítróttar- ella felagsanda
§4 Evsta vald - aðalfundurin
stk. 1
Limir felagsins mynda aðalfundin, sum er evsta vald hjá Stjørnuni.
Ársaðalfundurin verður hildin á hvørjum ári, áðrenn maj mánaður er úti.
Boðað verður á heimasíðu felagsins til aðalfundir og eykaaðalfundir í seinasta
lagi 14 dagar fyri fundin, og í fyrsta lagi 1 mánað fyri fundin.
Um 2/3 av limunum ella nevndin ynskja nýggjan aðalfund, verður eyka
aðalfundur kunngjørdur.
Mál, ið ynskja at vera løgd fram á fundinum, skulu verða nevndini í hendi
seinast 14 dagar áðrenn fundin.
Luttøka á aðalfundi er treytað av, at eingin eftirstøða er fyri limagjald, sí § 3,stk. 2.
Ársaðalfundurin hevur hesa dagsskrá:
1.Val av fundarstjóra og fundarskrivara.
2. Áseting av gildugum atkvøðum, samb. stk. 1.
3. Ársfrágreiðing frá formanni.
4. Framløga av grannskoðaðum roknskapi til góðkenningar.
5. Ásetan av árligum lima- og leikaragjaldi, og møguliga avsláttarskipan til
leikaragjaldið.
6. Innkomin mál.
7. Valevni til nevnd hava rætt til 5 minuttir hvør at bera fram valrøðu.
8. Val av nevnd
9. Val av grannskoðara.
10. Ymiskt.
Stk. 2
Keyp og søla av fastari ogn skal viðtakast av aðalfundi ella eykaaðalfundi
felagsins.
Stk. 3
Formaðurin kann bjóða serligum gestum við á aðalfundin, sum ikki eru limir,
men hava hesir ikki atkvøðurætt.
Stk. 4
Allir limir, sum eru 18 ár ella eldri, hava atkvøðurætt á aðalfundinum.
Atkvøðast kann ikki við fulltrú.
Atkvøðugreiðsla skal fara fram skrivliga, krevja meira enn tveir limir tað.
Samtyktir á aðalfundi verða gjørdar við vanligum meiriluta av møttum limum,
tó undantikið § 9.
Stk. 5
Aðalfundurin velur nevnd felagsins á hvørjum ári. Nevndin telur 6-10 limir og
standa 2 nevndarlimir fyri valið hvørja fer eftir FIFO[1] leistinum. Nevndarlimur
sum stendur fyri valið kann stilla uppaftur
§5 Nevndin
Stk. 1
Formaður felagsins, ein næstformaður, ein kassameistari og nevndarlimir
annars mynda nevnd felagsins, og hava dagligu leiðsluna um hendi.
Afturat nevndini kann ein samskipari verða settur at taka sær av samskiftinum
millum feløg og nevnd, egin lið og nevnd.
Nevndin hevur í felag ábyrgd av, at fíggjarligu, ítróttarligu og umsitingarligu
viðurskifti felagsins vera nøktandi handfarin, og eigur at gera sær greiðar
reglur fyri hesum arbeiði.
Stk. 2
Nevndin skal gera málsetning og menningarætlan fyri felagið fyri styttri og
longri tíðarskeið, og skal javnan endurskoða hesi.
Stk. 3
Nevndin kann viðgera og taka avgerð í øllum spurningum felagnum
viðvíkjandi.
Stk. 4
Stendur á jøvnum í møguligari atkvøðugreiðslu í nevndini, er atkvøða
formansins galdandi.
Stk. 5
Formaðurin kallar nevndina saman, tá hesin heldur tað vera neyðugt.
Næstformaðurin saman við einum nevndarlimi ella tveir nevndarlimir í felag
kunnu eisini kalla nevndina saman.
Nevndin er viðtøkufør, tá 4 nevndarlimir eru møttir.
Stk. 6
Eru minni enn 6 limir valdir í nevndina, deilast verandi limir innanhýsis um
uppgávurnar hjá tí nevndarlimi, ið ikki er valdur.
Nevndin skipar seg sjálvá fundi sum er beint eftir at aðalfundurin er lokin.
§6 Nevndarsamsýning
Nevndarlimir fáa onga løn.
§7 Roknskapur og grannskoðan
Stk.1
Roknskapur felagsins verður grannskoðaður av einum av aðalfundinum
valdum grannskoðara, sum virkar, til ein aðalfundur hevur valt ein nýggjan
grannskoðara í staðin.
Stk.2
Roknskaparár felagsins fylgir kalendaraárinum, og er frá 1. januar til 31.
desember.
§8 Tekningarreglur
Stjørnan verður bundið við undirskrift av formanninum saman við einum
nevndarlimi.
§9 Avtøka
stk. 1
Fyri at taka felagið av krevst aðalfundarsamtykt, og skulu í slíkum føri minst
2/3 av øllum limum felagsins greiða atkvøðu fyri at taka felagið av.
Fæst slíkur meiriluti ikki, kann nevndin kalla inn aftur til nýggjan aðalfund fyri av nýggjum at taka støðu um málið, hetta innan 1 mánað eftir fyrsta fundin og kann felagið tá verða tikið av um 2/3 greiða atkvøðu fyri, líka mikið hvussu nógvir limir eru møttir til henda seinra fund.
Stk. 2
Ognirnar hjá Stjørnuni skulu við avtøku eftir avgerð frá tí síðsta avtakandi
aðalfundinum latast til eitt ítróttarligt ella almannagagnligt endamál.
§10 Onnur viðurskifti
stk. 1
Viðtøkur felagsins verða endurskoðaðar so hvørt tørvur er á hesum, og í
minsta lagi eiga tær at viðgerast á aðalfundi 3. hvørt ár.
Soleiðis viðtikið á stovnandi aðalfundi felagsins tann 3. Oktobur 2022
[1] First In First Out
Høvuðsstuðlar hjá Stjørnuni:
|
|
|