Í fm-finalun

Við sigri á VÌF í dag kundu okkara kvinnur so gott sum tryggja sær fm-finalupláss. Og okkara kvinnur loystu uppgávuna til fulnar. Eftir ein nakað javnan fyrra hálvleik, sum okkara kvinnur vunnu 13-10, var ongantíð nakar ivi í seinna hálvleiki um, hvat betra liðið var. Sum hálvleikurin gekk, øktu okkara kvinnur støðum um leiðsluna. Ein góð lýsing av gongdini í seinna hálvleiki er, at seinastu 12 minuttirnar okkara kvinnur tær 8-0. Endaliga úrslitið gjørdist 30-17.

Heldur óvæntað hendi tað, at okkara nærmastu kappingarneyti VB á heima heimavølli tapti 21-20 móti StÍF, og hevur við sær, at tað nú er endaliga staðfest, hóast eitt umfar er eftir at leika, at fm-finalan 2012 verður ein endurtøka fm-finaluni í fjørð, sum var millum Stjørnuna og Neistan.

Flott, flott av okkara kvinnum. Tillukku við finaluplássinum. Koyri á!!

Leygardagin kl. 18:00 skulu tær á heimavølli leika seinasta dystin í innleiðandi umfarinum. Mótstøðuliðið verður StÍF. Eftir eina hart tiltrongda hvíld um páskirnar byrja fyrireikingar til fm-finaludystirnar. 

Myndir frá dystinum: Anton K. Højgaard