Stjørnan-VB 21-18

Í dag var so fyrsti dystur hjá Stjørnuni. VB legði betri út í  fyrra hálvleiki, og tá 13min. vóru leiktir var støðan 8-1 til VB. Flest øll vantaðu at dysturin var avgjørdur, men so var ikki. Tað kom støðgur í hjá VB, og hjá Stjørnuni fór at ganga hinveg. Álopið vísti seg at rigga, og ikki minst verjan og málverjin stóðu sera  væl, og tá 23min. vóru leiktir var støðan 9-9. Hálvleiksstøðan var 11-10 til VB.
Seinni hálvleikur var sera javnur, munurin gjørdist ongantíð meira enn tvey mál. Stjørnan førdi so at siga allan seinna hálvleik, og tá 2sek vóru eftir, avgjørdi Ella Petersen dystin, við at skora uppá brotskast til 21-18. Leggjast skal afturat, at teir yngru leikarnir stóðu seg væl á vøllinum, bæði í álopi og verju.