06. oktobur ein góður hondbóltsdagur hjá Stjørnuni

Sunnudagurin 06. oktobur er ein góður hondbóltsdagur hjá Stjørnuni, vit hava 3 dystir í Kí-høllini. Fyrst spæla Gentur 14B ár hjá Stjørnuni móti Neistanum B, hesin dysturin byrja kl. 13.00, hetta er eisini fyrsti dysturin í ár hjá teim heilt ungu spælarunum, har fleiri eru júst fluttar upp frá Gentum 12. Spennandi verður at síggja hvussu nógv tær hava ment seg.
Í SMS deildini kemur Kyndil á vitjan. Besta liðið hjá Stjørnuni tekur í móti Kyndli kl. 15.00 í Kí-høllini. Vit gleða okkum til ein spennandi dyst og gott hondbóltspæl. Aftaná SMS dystin spælir 1. deild hjá Stjørnuni eisini móti 1. deild hjá Kyndli.
So komi í Kí-høllina og stuðli okkara ungu hondbóltsleikarunum og síggi góðan hondbólt. Vit gleða okkum at síggja tykkum.