 Í morgun bórust boðini um, at Ingvi Ragnarsson var deyður, 50 ára gamal.
Ingvi hevur saman við beiggjanum Kristoffuri tey mongu seinastu árini verið ímyndin av Stjørnuni. Ingvi brendi fyri Stjørnuni við lív og sál. Tá kvinnurnar hjá Stjørnuni leiktu steypafinalu móti VB í Havn í februar, stóð Ingvi, hóast merktur av sjúku, í fremstu røð fyri at stuðla stjørnukvinnunum. Hann var eisini ómetaliga glaður, tá liðformaðurin hjá Stjørnuni eftir loknan dyst kundi taka ímóti steypinum. Síðan tá hevur sjúkan spakuliga tikið kreftirnar frá Ingva, og í morgum orkaði hann ikki meira. Saknurin í felagnum verður stórur, men størstur verður saknurin hjá Onnu Mariu, Karini og Pravin. Má Harrin styrkja tykkum í stóru sorg tykkara. Ærað verið minni um eldsálina Ingva Ragnarsson. Hondbóltsfelagið Stjørnan |
Aðrir stuðlar
Úrslitatænastan
|