 Spenningurin var stórur í KÍ-høllini í dag, tá Stjørnan skuldi taka í móti Neistanum í Gentur 16. Neistin liggur á odda við 18 stigum eftir 10 dystum, meðan Stjørnan liggur á 3. Plássi við 12 stigum eftir 9 dystum. Neistin byrjar kemur betri frá byrjan, har tær í 8 minutti hava eina leiðslu uppá 3-1, men so fáa Stjørnugenturnar spælið at koyra og koma til málmøguleikar og í 14 minutti er støðan 4-4. Dysturin hevur høgt tempo og sera javn er millum liðini, har báðir málmennirnir standa sera væl í hvør sínum enda. Í 16 minutti er Stjørnan frammanfyri 5-4, men so steðgar upp hjá Stjørnuni, og er tað Neistin í megnar at fáa útnýtta sínar málmøguleikar og gerst hálvleikstøðan 10-7 til Neistaliðið. Í seinna hálvleiki vísa Stjørnuleikarnir sera gott hondbóltsspæl og serligani er tað málmaðurin hjá Stjørnuni, Birita Ryan, ið tekur so at siga alt sum kemur móti Stjørnumálinum og tá 12 minuttir eru farnir av seinna hálvleiki er 17-14 til Stjørnuna. Neistin skorar einans 5 mál í seinna hálvleiki og endar dysturin við einum sigri til Stjørnuna 18-15. Fyri Stjørnuna: Sanna Jacobsen 6 mál, Óluva A. Joensen 6 mál, Malan Ragnarson 4 mál, Joan Sørensen 1 mál og Barbara W. Eyturdal 1 mál. Fyri Neistan: Heiðrun M Isaksen 4 mál, Marjun O. Danielsen 3 mál, Bára M Isaksen 2 mál, Eydna Hansen 2 mál, Emma Hansdóttir 2 mál, Petra Larsen 1 mál og Hjørdis Viðstein 1 mál. Hjartaliga til lukku Gentur 16 Koyr á Stjørnan!  |
Aðrir stuðlar
Úrslitatænastan
|