Foreldrafundur - U8/U6 og G10 mánadagin

Mánakvøldið 7. januar kl. 19 verður foreldrafundur í aldursbólkinum U8/U6 og Gentur 10.

Í hesum aldursbólkum eru sera nógv nýggj børn og vilja vit fegin síggja tykkum foreldur til ein lítlan kaffifund á loftinum í KÍ-høllini mánakvøldið kl. 19.00. Fundurin verður 30 minuttir og byrjað verður stundisliga kl. 19.

Jastrid Gullaksen, forkvinna, kemur at hava stutt innlegg um mannagongdir í samband við dystir og venjing. Per Klarup, høvuðs-og ungdómsvenjari, kemur at greiða frá, hvar vit eru komin ítróttarliga í hesum aldursbólkum og hvørji hondbóltsmál vit mugu røkka í hesum hondbóltsárinum.

Eftir fundin er møguligt at seta spurningar ella at koma við góðum uppskotum til okkum, sum arbeiða við teimum ungu, fyri at gera tað enn betri at spæla hondbólt.

Vit vóna at síggja tykkum flest øll mánakvøldið kl. 19.

Vinarliga

Nevndin

STJØRNAN

---