Fríggjadagin 13. oktober skipaði VÍF fyri árligu kappingini Night Cup og lutóku G12 hjá Stjørnuni hesuferð við tveimum liðum Stjørnan a og Stjørnan b. Hesuferð var tiltakið fyri U10, U12 og U14, har kostnaðurin fyri hvønn leikara var kr. 200, íroknað ein Night Cup blusa, matarseðil og ókeypis frukt meðan kappingin koyrdi. Vinnararnir í hvørjum aldursbólki fingu handað steyp, heiðursmerkir og vatndunk og harumframt var ognarsteyp latið til besta spælaran á hvørjum finaluliði. Vit frætta frá okkara gentum at tær høvdu ein minnuríkan og læruríkan hondbóltsdag, har tær spældu fleiri dystir og møguligt var at møta ungum úr nógvum feløgum í Føroyum. Kappingin var sera væl fyriskipað og okkara ungdómur høvdu ordiligani hugna sær saman við foreldrum og venjarum. A-liðið vann tveir dystir og taptu ein, meðan B-liðið taptu allar sínar dystir. Sostatt kom einki lið hjá Stjørnuni víðari, men er einki at ivast í, at genturnar hava fingið nógv burturúr. Okkara gentur hava ikki spælt leingi hondbólt, og sigur venjarin Egil Johansen, at vit nú mugu arbeiða við at fáa hægri tempo í spælið, men at tær annars kláraðu seg sera væl. Vit lata myndirnar tala fyri seg:) Myndir frá Night Cup 2017
 |
Høvuðsstuðlar:
Aðrir stuðlar
Úrslitatænastan
|
