Gentur 14

Fyrsti dystur í hesum kappingarárinum í KÍ-hølluni, var ímillum Stjørnan b og H71 c gentur 14 ár.
Ikki kann sigast annað enn at áskoðarar fingu ein herligan dyst at síggja, Stjørnu genturnar stríddust sera væl og við einari sera vælleikandi Jettu í málinum, var grundarlagi lagt fyri eini tryggum 15 – 11 sigri til Stjørnuna.
Álopsspælið hjá Stjørnuni var nakað merkt av, at hettar var fyrsti dystur, timing og skot var ikki heilt komið í rættlag, men sum dystur leið, bleiv spælið betri og tað var sera gott at síggja, hvussu allar genturnar bara vildi vinna dystin.
Tann seinni dysturin henda dagin var millum Stjørnuna 14 a og Neistan 14 a. Hesin dysturin var meira javnur, her vann Stjørnan eisini, úrtslitið her var 16 - 15 til Stjørnuna.
Vónandi fær Sunset liðið eina líka góða byrjan sunnudagin, tá tær taka móti VB kl 15:00 í Kí-høllini.