  Stórur spenningur í finaluni hjá U17 gentum, har Stjørnan tapti eftir umdysti Finaludysturin millum Stjørnuna og H71 gjørdis ein rættur finaludystur. Ein sera væl leiktur dystur, har spenningur var í líka til enda. Stjørnugenturnar vóru so nær sum til ber at fáa gull í steypafinaluni, men tey seinastu tvey sekundini broyttu alt. H71 javnaði og í umdystinum blivu okkara gentur ov stuttar. Endaliga úrslitið eftir longda leiktíð gjørdist 26-23 til H71. Sostatt eydnaðist tað ikki nøkrum liði úr Klaksvík at vinna nakra steypafinalu í hondbólti í ár, men U17 gentuliðið hjá Stjørnuni var nærmast við. Stjørnan ynskir G17 hjartaliga til lukku við silvurinum og fegnast um at eiga so dugnarligar leikarar sum vit gleða okkum at fylgja í framtíðini og ivast onga løtu í at gullið nokk kemur heim til Klaksvíkar:) Koyr á Stjørnan   |
Aðrir stuðlar
Úrslitatænastan
|