 Gentur 18 spældi tveir sínar seinastu dystir í hesum kappingarárinum í Hoyvíkshøllini í dag og endaðu tær sum nr. 4 av 5 liðum við 4 stigum. Kappingin hevur verið skipað í vikuskiftiskappingar, har leikt hevur verið 2 dystir hvørjaferð. Fleiri av leikarunum eru heilt ungir og áttu at leikt við g16, men av tí, at Stjørnan hetta kappingarárið ikki hevur havt nokk leikara í g16, var avgjørt at taka tær sum vóru upp í g18. Hóast genturnar ikki hava leikt so nógvar dystir í g18, so hava fleiri av leikarunum eisini leikt við 1. deild alt kappingarárið og nakrar eisini við bestu deild. Hóast tað ikki eydnaðist okkum at vinna nakað í g18 í ár, so er heilt vist, at hetta ikki er tað seinasta við síggja til hesar gentur. Genturnar eru dugnaligar, hava møtt dúgliga til venjing og hava ment seg sera nógv gjøgnum kappingarárið. Vit gleða okkum at síggja meira til hesar ungu gentur komandi ár. Koyr á Stjørnan! |
Aðrir stuðlar
Úrslitatænastan
|
