Greiður sigur til Stjørnuna

Kvinnurnar hjá Stjørnuni hava í kvøld vunnið 21-12 á StÍF

Hóast tað var eitt skert stjørnuliðið, sum í kvøld leikti móti botnliðnum StÍF, so var ongantíð nakar ivi um, hvat betra liðið var. Tóra Eliasen og Jancy Jacobsen, sum báðar eru tveir av profilunum á Stjørnuliðnum, vóru ikki við vegna skaða.

Í kvøld vóru tað so aðrar, ið tóku ábyrgd. Serliga eygsýnd var Judith Dam Jacobsen, sum við sjey málum gjørdist toppskjúti hjá Stjørununi. Fleiri av málunum fekk hon við skjótálopi, eftir at verjan ella málverjin høvdu vart fyri skotroyndum hjá StÍF.

Málini hjá Stjørnuni skutu: Judith D. Jacobsen 7, Mina Sirdal 4, Sonja Sirdal 4, Kristina Poulsen 2, Jórun B. Nielsen, Katrin Bertholdsen, Paula L. Joensen og Monika P. Jacobsen eitt mál hvør.

Hjartaliga til lukku Stjørnukvinnur!

---