 Ídag hevur B-hálvfinaluumfarið í steypakappingini fyri gentur 12 verið í Hoyvíkshøllini, har Stjørnan fyrst leikti eina sera javna hálvfinalu móti Neistanum a og vunnu við einum máli 8-7. Finaludysturin gjørdist ein sannur gysari. Stjørnan kom ikki væl frá byrjan og í hálvleikinum var Stjørnan aftanfyri við 5 málum 3-8. Hvat venjarin Egil Johansen hevur sagt við genturnar í hálvleikinum vita vit ikki, men hetta var eitt heilt annað lið í kom út til seinna hálvleik. Verjuspælið var ikki at kenna aftur og tað, ið sterka verjan ikki megnaði at taka, tað tók málmaðurin, sum stóð ein branddyst í seinna hálvleiki. Stjørnan vann seinna hálvleik 7-1 og endaliga úrslitið gjørdist 10-9 til Stjørnuna. Vit vilja ynskja okkara røsku gentum hjartaliga til lukku við gullinum! Koyr á Stjørnan! |
Høvuðsstuðlar:
Aðrir stuðlar
Úrslitatænastan
|