Hugnaløta fyri øll í Stjørnuni

Ídag varð skipað fyri stórari hugnaløtu, har leikarar í øllum aldursbólkum saman við foreldrum og venjararum kundu hugna sær saman við ymiskum spølum í høllini. Deilt var upp í blandaðar bólkar og høllin deild upp í 10 ymiskir postar, soleiðis at hvør bólkur hevði 8 minuttir á hvørjum posti.

Sera gleðiligt var at síggja, hvussu mong foreldur eisini luttóku í spølunum og eisini høvdu vit lætt við at finna foreldur, ið vildu leika ein hondbóltsdyst móti venjarum og hjálparfólki. Ja, her vóru fleiri talentir at síggja:)

At enda bjóðaði Súsanna Lydersen, forkvinna í Stjørnuni, øllum til ein góðan bita við bæði pitzasnignlum, pylsubreyði og fastalávintsbollum og saft. Ein sera góðu dagur í høllini og ynskja vit at takka øllum fyri dagin og ikki minst øllum hjálparfólkum fyri at alt gekk so lætt í hond.

Vit lata myndirnar tala fyri seg:)

Við ítróttarkvøðu

Stjørnan

---