|
Klaksvíkar býráð bjóðaði øllum ítróttarfeløgunum í kommununi til eitt felagstiltak. Her øll ítróttarfeløg í Klaksvíkar hittust í Varpinum. Sigast skal at hetta ítróttartiltakið eydnaðist sera væl og Stjørnan takkar fyri at verða boðin við til hesa serligu stóru løtu. Fleiri røður vórðu hildnar, filmsbrot víst, tónleikur og heiðurslønir latnar. Til ítróttartiltakið fekk ongin onnur enn okkara egna Vivi Olsen heiðursløn fyri sítt treytaleysa íkast til feløgini. Hjartaliga tillukku Vivi og takk fyri títt dirvið! Stjørnan og Team Klaksvík fingu eisini heiðursløn fyri gott samstarv. Her millum annað fyri at hava felags venjaratoymið fyri ungdómin. David og Ivanu, sum vit eru glað fyri at hava í feløgunum. Sermerkt hevur eisini verið at Stjørnan og Team Klaksvík hava í tvey ár, hava bjóða venjing fyri tey heilt lítlu. Her er tað Trille Trolle sum hevur havt stóran áhugað. Vit vilja takk fyri góða tiltakið í kvøld og heiðurlønir. Men ein heilt serlig tøkk til øll tykkum sum gera tykkara fyri at hjálpa í felagnum. Vinarliga Hondbóltsfelagið Stjørnan   |
Aðrir stuðlar
Úrslitatænastan
|