Kappingin fyri gentur 10 er byrjað

Seinasta vikuskifti byrjaði kappingin hjá G10 av álvara og Stjørnan hevur 2 lið í hesum aldursbólki. Stjørnan a leikti 3 dystir í høllini á Eiði móti VÍF a og EB a. Stjørnan tapti 13-0 móti VÍF a og vann 11-8 á EB a. 

Stjørnan b leikti á Giljanesi, har tær møttu VÍF b og H71 b. Stjørnan tapti báðar dystirnar, men sigast kann at tað týðiligani sást at fleiri av leikarunum nú hava vant hondbólt í eitt ár, og hava tær tikið seg nógv fram. Nógv er at læra í hondbólti og enn hava vit nógv at arbeiða við í hesum aldursbólki, men okkara gentur skulu nokk koma seg og spennandi verður at fylja teimum hetta kappingarári.

Komandi kapping fyri Stjørnan a verður í ítróttarhøllini á Skála tann 11. november, har Stjørnan a møtir H71 a og VÍF a. Kappingin fyri Stjørnan b verður aftur í Runavík tann 11. november, har Stjørnan b skal møta Tjaldur b og Søljan og spennandi verður at vita um hvussu okkara gentur fara at klára seg.

Enn er møguligt hjá gentum í aldrinum 9 og 10 ár at koma at venja hondbólt og hevði tað glett okkum at fingi nakarar uppí afturat í hesum aldursbólki.

Koyr á Stjørnan!

Stjørnan b avmyndaðar eftir dystin á Giljanesi

---