Kyndil hevði munin

Norðlýsið skrivar:

Kyndil var betra liðið, men Stjørnan var væl við stóran part av dystinum, tá tær í dag tóku ímóti Kyndil

Sum í fleiri øðrum dystum hjá Stjørnuni, so vóru tað persónlig mistøk sum kostaðu. Stjørnan var væl við stóran part av fyrra hálvleiki, og var spælið í løtum væl skipað, men tær blivu straffaðar uppá óneyðug mistøk. Hálvleiksstøðan var 16-10 til Kyndil.

Seinni hálvleikur gjørdist rættiliga undirhaldandi. Stjørnan roynda at koma innaftur í dystin og fekk minka um muni til tvey mál, men nærri komu tæri. Endaliga úrslitið gjørdist 26-21 til Kyndil.

Samanumtikið má sigast, at Kyndil var betra liðið, men avrikið Stjørnuni var góðtikið, tær stríddust væl, og vístu munandi betur spæl enn í tveimum teimum seinastu dystunum.

---