 Norðlýsið skrivar, Oliver Joensen: Hóast Kyndil vann 26-20 á Stjørnuni í kvøld, so var Stjørnan væl við stóran part av dystinum. Tá leiktir vóru 10 min. var Kyndil á odda 6-1, og tað sá onki út hjá Stjørnuni, men tær striddu seg innaftur í dystin, og tá leiktir vóru góðir 20 min. var støðan 8-10 til Kyndil. Kyndil fekk tó økt um leiðsluna, soleiðis at hálvleiksstøðan gjørdist 15-10 til Kyndil. Tað gekk javnt á fyrstu løtuna av seinna hálvleiki, tó hevði Stjørnan hug at oda seg inn á Kyndil, og fekk eisini minkað um leiðsluna hjá Kyndil til eitt mál, og rættiligur spenningur kom í dystin, men seinastu 10 minuttirnar sá út sum at kreftirnar gingu undan hjá Stjørnuni, og endaliga úrslitið gjørdist 26-20 til Kyndil. Hóast Kyndil hevði munin allan dystin, og varð talan um ein til tíðir undirhaldandi dyst, har stjørnuleikarnir stríddust væl, og stóran part av dystinum góðu nýklaktu steypavinnarunum harða mótstøðu. Næsti dystur hjá Stjørnuni verður á heimavølli ímóti StÍF sunnudagin kl 15. Málini hjá Stjørnuni skutu: Tóra Eliasen 6, Mina Sirdal 6, Sonja Sirdal 6 og Katrin Bertholsen 2 |
Aðrir stuðlar
Úrslitatænastan
|
