Megnaðu ikki at fylgja við í seinna hálvleiki

Vónirnar undan dystinum móti Neistanum vóru hampuligar eftir at tað gjørdist greitt, at Annika, Una og Bára vórðu tøkar. Tað gekk eisini gott sóran part av fyrra hálvleiki, sum endaði javnur

12-12. Í periodum var spælið hjá okkara kvinnum heilt gott, tær fluttu seg væl fyri hvørjari aðrari, og tað gav opnar málmøguleikar.

At tað dróg út hjá okkum at fáa avgreitt venjaraspurningin, hevði við sær, at venjingarnar byrjaðu alt ov seint, og tað kom til sjóndar í seinna hálvleiki, tá kreftirnar vístu seg at ginga undan. Sum seinni hálvleikur gekk, økti Neistin støðugt um leiðsluna, og endaliga úrslitið gjørdist 32-22 til Neistan.

Sum nevnt, so eru okkara kvinnur ikki komnar rættiliga í form enn, og liðið er heldur ikki nóg væl samanspælt, men tað kann alt bara blíva betur. Tað ræður um at taka tað positiva frá dystinum móti Neistanum við sær, og byggja víðari uppá tað.

Alt bendur á, at spæliloyvið hjá Corinu er komið uppá pláss til komandi dyst, so tað er við góðum treysti, at farið verður til Runavíkar komandi sunnudag at leika móti Tjaldur.

Mynd: Norðlýsið