 Tað var lítil ongin munur á liðunum í fyrra hálvleiki, tá Stjørnan í kvøld tók móti Kyndil. Hálvleiksstøðan var 10-12 til Kyndil. Kyndil kom tó betur frá byrjan, og koma á odda 4-1. Sjørnan hevði trupuleikar í verjupartinum fyrstu løtuna, men so fingu tær skipa verjuna betur. Eftir hetta gekk javnari á, og liðini skiftust um at skora. Tað var nógv ferð yvir spælinum og spenningur í, og tá farið var til hálvleiks, hevði Kyndil tó eina tveymáls leiðslu. Eins og í fyrra hálvleiki, so kom Kyndil betur frá byrjanini av seinna hálvleiki. Fyrstu fimm minuttirnar fingu tær trý mál, meðan Stjørnan onki mál fekk. Hesa leiðsluna hjá Kyndil megnaði Stjørnan ikki at innheinta, soleiðis at endaliga úrslitið gjørdist ein sigur til Kyndil uppá 27-21. Sigast kann, at Stjørnan hevur tikið seg nógv fram síðani hesi bæði liðini hittust síðst og at Stjørnan hesuferð megnaði heilt og væl at spæla upp til Kyndalkvinnurnar, men eins og í øðrum dystum hjá Stjørnuni, so var ein trupuleikin tann, at tær brendu ov nógvar upplagdar málmøguleikar. Besti málskjútti hjá Stjørnuni í kvøld var unga Tóra Eliasen við 7 málum, meðan Turið Arge við 8 málum gjørdis toppskjútti hjá Kyndil. |
Aðrir stuðlar
Úrslitatænastan
|
