  Flestu viðhaldsfólk hjá Stjørnuni høvdu ivaleyst vónir um ein tættari dyst, nú seinni finaludysturin um føroyameistaraheitið skuldi spælast í KÍ-Høllini, men so bleiv als ikki. Stjørnan kom afturút beinanvegin og hevði bert fingið eitt einasta mál, tá Neistin hevði fingið 6 og soleiðis endaði dysturin stórt sæð. Hálvleiksstøðan gjørdist 11-19 til Neistan og endaliga úrslitið 27-32. Neistin fór so langt frá Stjørnuni í løtum, at tað sá út til at dysturin fór at enda við einum stórum skræðli. Men Stjørnan megnaði upp undir endan at halda nakað inn og endaði við at tapa við "bert" fimm málum. Ein eyðmýkjandi endi á kappingarárinum hjá Stjørnuni. Ongin ivi um, at meira er í leikarunum, enn teir vístu ídag. Neistin hinvegin var flúgvandi allan dystin, og hóast liðið eisini vísti veikleikar, so megnað Stjørnan ongantíð at gera sær dælt av tí. Stjørnan ynskir Neistanum hjartaliga til lukku við fm-heitinum og somuleiðis Stjørnukvinnunum hjartaliga til lukku við silvurinum! Myndir: Norðlýsið  |
Høvuðsstuðlar:
Aðrir stuðlar
Úrslitatænastan
|