Nevndin fekk mong góð orð á leiðini

Eftir venjingina í kvøld bjóðaði nýggja nevndin í Stjørnuni til eina hugnaløtu í Stjørnuhølunum og stjørnuleikarar, foreldur, viðhaldsfólk komu á gátt til eitt gott hondbóltsprát.

Vit í nevndini fegnast um góðu móttøkuna og ynskja at takka fyri blómur, køkur og heilsanir. Lagt er upp til eitt spennandi kappingarár og ynskja vit at takka fyri, at fleiri av tykkum eisini skrivaðu seg á listarnar til mongu arbeiðsøkini, ið eru í felagnum so sum dómaralistar, venjaralistar, hjálparfólk, kakulistar osfr.

Uppgávurnar eru nógvar í Stjørnuni og stuttligari er at vera fleiri um at loysa tær.

Við stjørnukvøðu

Nevndin

---