 Gentur 12 gerast fleiri og fleiri til venjing og stuttligt er at kunna síggja, at vit nú manna tvey lið í gentur 12. Stjørnugenturnar í hesum aldursbólki leika nú í bólki B og bólki C av tí at flest allar eru júst byrjaðar at spæla hondbólt og vísa genturnar at tær koma seg skjótt. Í dag var annað liðið í Suðuroy, har tær leiktu 3 dystir. Tær taptu móti Søljuni 10-9, taptu móti VÍF 10-8 og vunnu móti VB 9-7. Valborg Hammer, hjálpavenjari, var við í Suðuroy og letur Valborg frætta at tær spældu sera væl og at dysturin móti VÍF var sera javnur. Valborg tók hesa myndinar av gentunum í Suðuroy og umborð á Smyril. Hitt liðið var á Skála, har tær leiktu tveir dystir. Kristina Poulsen, hjálpavenjari, var við gentunum á Skála og hon letur frætta at vit tapu báðar dystirnar soleiðis: móti StÍF 13-4 og móti H71 gjørdist støðan 3-2 til H71. Genturnar vóru óførar og kempaðu væl og taka seg eisini fram eftir hvønn dyst. Í Klaksvík var kapping fyri 2. deild kvinnur í Klaksvík, har Stjørnan tapti móti Neistanum og vunnu móti Søljuni. - Ein langur dagur, har kapping var allan dagin og vit ynskja at takka Per Klarup og Pól Mikkelsen fyri at taka dømingina á seg allan dagin. Sunnudagin skal hvonn og gentur 14 spæla í høllini í Vági og spennandi verður at fylgja hvussu leikur fer fram í morgin. Koyr á Stjørnan  |
Høvuðsstuðlar:
Aðrir stuðlar
Úrslitatænastan
|