Oddaliðið vitjar

Norðlýsið skrivar, Oliver Joensen:

Sunnudagin kl. 15.00 taka kvinnurnar hjá Stjørnuni ímóti oddaliðnum VÍF

Orsaka av steypakappingini hevur landskappingin ligið still síðani seinast í januar, men nú verður lagt til brots aftur.

VÍF liggur greitt á odda í landskappingini við 22 stigum, meðan Neistin á øðrum plássi hevur 17 stig. VÍF skal reisa seg aftur eftir eyðmíkjandi tapið í steypafinaluni móti Kyndil. Kvinnurnar hjá Stjørnuni stóðu seg væl í steypakappingini og leiktu seg í hávlfinaluna, har tær møttu Kyndil, sum tó bleiv ein ov stórur biti at svølgja.

Spurningurin er so, um stjørnukvinnurnar megna at gera nakað við oddaliðið. Dysturin byrjar sum nevnt  kl. 15.00.

---