 Í gjárkvøldið gjørdi høvuðs- og ungdómsvenjarin hjá Stjørnuni, Per Klarup, nýggjan sáttmála við Stjørnuna fyri komandi kappingarár. Samstundis longdi málverjin Raluca Ungureanu Nagy eisini sín sáttmála fyri kappingarárið 2018/2019.
Per Klarup hevur nú skjótt verið í Klaksvík í tvey ár, har arbeitt hevur verið við at ment kvinnuhondbóltin hjá Stjørnuni. Per hevur eisini staðið á odda fyri at lagt ítróttarligu málini og skipa hvat skal venjast í hvørjari deild fyri at menna hondbóltin í Klaksvík. Per er høvuðsvenjari hjá Hvonn-liðnum og samstundis er hann eisini ungdómsvenjari hjá øllum deildum felagsins, har hann afturat sær eisini hevur føroyskar hjálparvenjarar. Vit eru sera fegin um tað megnar arbeiði Per ger í Stjørnuni, har vit síggja stóra menning millum leikararnar. Um úrslitini í teim ymsum deildunum kann sigast, at vit eru sera væl nøgd við gongdina. Stjørnan er í eini uppbyggingarfasu og hevur tað støðugt gingið framá. Tí fegnast vit um at kunna leingja samstarvsavtaluna við Per Klarup, og soleiðis halda áfram við arbeiðinum. Málverjin Raluca hevur eisini longt sín sáttmála við Stjørnuna fyri komandi kappingarár. Raluca er 28 ára gomul og hevur verið nøkur ár í Stjørnuni, har hon tó eitt ári var í arbeiðsørindum í London. Stjørnan fegnast eisini um, at málverjin úr Rumenia aftur spælir við Stjørnuni komandi ár. Vit arbeiða hart við at menna egnar leikarar, og á Hvonn-liðnum eru bert lokalir leikarar umframt Ralucu, ið styrkir væl um liðið. Við ítróttarkvøðu Nevndin Koyr á Stjørnan! |
Høvuðsstuðlar:
Aðrir stuðlar
Úrslitatænastan
|