Sera væleydnað gallaveitsla

 Í gjárkvøldi var endaligt punktum sett fyri hondbóltsárinum 2011/2012, tá útvið 300 fólk komu saman til gallaveitslu í KÍ-Høllini.

Fyrireikarnir høvdu gjørd eitt megnar arbeiði fyri, at karmarnir um veitlsuna skuldu verða góðir. Tað var sera hugnaligt at koma inn í høllina. Við inngongdina var eitt sera vakurt heiðurportur, og høllin var pyntað, og sera hugnalig var at koma inn.

Umleið kl. 20 var farið til borðs. Borðhaldið var meistarliga væl stýrt av Hans Hjalta Skaale. Jógvan Skorheim formaður í mentanarnevdini hjá Klaksvíkar Kommunu bjóðaði vegna Klaksvíkar Kommunu, Stjørnuna og Team Klaksvík vælkomin .

Lagið var gott. Tað bleiv nógv sungið, og fólk hugnaðu sær óført. Røður vórðu eisini hildnar av Kristian Johansen, HSF-formanni og Bjørn Kalsø, landsstýrismanni.

Hæddarpunktini undir borðhaldinum vóru, tá ársins leikarar blivu heiðrarir. Hvørjar ferð ein leikari bleiv heiðraður, leikti Andras Sólstein eina fanfaru á kornet, genialt.

Tá borðhaldið var liðugt, varð skipað fyri fýrverkaríi eystanfyri KÍ-høllina, og tá fólk komu innaftur í høllina, vóru ARIA klárir á pallinum at spæla til dans. Klokkan mundi verða umleið fýra, tá tey seinastu fóru heim.

Stjørnan vil við hesum takka fyrireikingarbólkinum fyri eina sera væl fyriskipaða veitslu.