Simba við Djúpumýru

Fríggjakvøldið á Norðurljósi verður høvið at uppliva tekni- og tónleikalist í stórum stíli, tá vit vísa Lion King á stórskermi á vøllinum við Djúpumýru.

Umframt at vera ein av best umtóktu teknifilmunum nakrantíð, er Lion King eisini millum best umtóktu sangleikirnar á Broadway, so høvið er gott at syngja við eisini.

Filmurin verður vístur á vøllinum kl.18.30 fríggjakvøldið 26. januar, og skermurin vendir beint móti áskoðaraplássunum í skýlinum.

Stjørnan kemur at selja kaffi, kakao, bollar, sunkist og rugbreyðtoast meðan filmurin er.

Útibiografurin er ókeypis og øll eru vælkomin – minst til kavadrakt ella teppi.

---