 Tað var ongantíð nakar ivi um, hvat betra liðið var, tá Stjørnan í kvøld hevði vitjan av StÍF. Fyrstu 15 minuttirnar gekk nøkunlunda javnt á, tó var tað Stjørnan sum hevði munin, og høvdu tær ikki brent so nógvar upplagdar málmøguleikar í byrjanini av dystinum, kundu tær havt eina greiða leiðslu tíðliga í dystinum. Dysturin bleiv í verunleikanum avgjørdur seinastu løtuna av fyrra hálvleiki, tá stjørnunleikarnir høvdu innstillað ”kanónina”. Hálvleiksstøðan var 12-5 til Stjørnuna. Stjørnan helt fram har tær góvust í fyrra hálvleiki, og øktu støðugt um leiðsluna sum dysturin leið. At Stjørnan hevði eina greiða leiðslu, gav venjaranum møguleikar at geva øllum leikarunum spælitíð. Unga StÍF-liðið hevði trupult við at leika seg til málmøguleikar, og blivu tær fleiri ferðir dømdar fyri drál. Endaliga úrslitið gjørdist ein greiður 22-10 sigur til Stjørnuna, sum harvið fekk síni fyrstu stig í hesum kappingarárinum. Næsti dystur hjá Stjørnuni verður á útivølli sunnudagin móti nýggja liðnum hvonn-deildini H71, sum heldur óvæntað vann 23-21 á Neistanum í gjákvøldið. So Stjørnuleikarnir eru ávararir. Málini hjá Stjørnuni skutu, Jancy Jacobsen 7, Mina Sirdal 4, Sonja Sirdal 3, Judit D. Jacobsen 2, Katrin Bertholdsen 2, Jórun B Nielsen, Kristina Poulsen, Monica P. Jacobsen og Paula Leivsgarð eitt mál hvør. Eftir dystin hjá hvønn-deildini leiktu I. kvinnuliðini hjá Stjøruni og StÍF. Tann dystin vann Stjørnan 26-21. Vit ynskja Stjørnukvinnunum hjartaliga til lukku:) Myndir: Símun á Høvdanum |
Høvuðsstuðlar:
Aðrir stuðlar
Úrslitatænastan
|
