Spenningur og dramtikkur endaði við bronsu til Stjørnuna, kappingarár 21/22

Tann 30. mars 2022

​Tað var spenningur og undirhald fyri allar pengarnar, tá kvinnurnar hjá Stjørnuni og Kyndil í gjárkvøldi leiktu  bronsudyst í á Høllini á Hálsi. Brotskastkapping mátti til, áðrenn vinnarin varð funning.           
​                        
Lagt var upp til ein javnan dyst, og tað gjørdist tað sanniliga eisini. Liðini fylgust í gjøgnum alla dystin, og skiftust um at hava leiðsluna. Hálvleiksstøðan var javnleikur 20-20.                                        
                           
Javna gongdin helt fram helt fram stórt sæð allan seinna hálvleik, men í móti endanum av dystinum hevði Stjørnan vunnið sær eina leiðslu uppá trý mál, men tað eyðnaðist Kyndil í allar seinasta sekundinum at javna til 33-33. Síðani varð leikt tvær ferðir 5 minuttir. Tá hesir 10 minuttirnir vóru leikt, var framvegis javnleikur 36-36. Tí mátti dysturin avgerast við brotskostum, og skuldi liðini skjóta heili átta brotskost í part, áðrenn vinnarnir var funnin. Avgerin fall, tá Rina í Stjørnumálinum bjargaði seinasta skotinum frá kyndlaleikara.
               
Frøðin var stór á stjørnuleikarunum eftir dystin. Tær hava alt kappingarárið verið partur av oddastríðum, men blivu akkurát ov stuttar til koma í bæði steypa- og FM-finalurnar. At tær nú endað kappingarárið við at vinna bronsuna er fult uppiborið. Tillukku við bronsuheiðursmerkjunum.

Málini hjá Stjørnuni skutu: Julia Nalviko 11, Durita C. Jojic 10, Tóra Eliasen 5, Jancy Jacobsen 4, Malene Madsen 4, Sonja S. á Bergi 3, Oddvør Josephsen 2, Ella Samson, Katrin Bertholsen, Joan Sørensen og Durita Ljósstein hvør sítt mál.

Grein: Norðlýsið