Tær ungu vístu vegin, tá okkara kvinnur í kvøld vunnu á StÍF

Tað var hugaligt av vera til dyst Í KÍ-Høllini í kvøld, tá okkara kvinnur tóku ímóti StÍF. Okkara kvinnur høvdu undan dystinum sett sær fyri, at tær vildu vinna, og harvið lyfta seg av aftasta plássinum, har tær hava ligið stórt sæð alt kappingarárið. Og tað eydnaðist, tær vunnu dystin 27-21, eftir at tær í hálvleikinum høvdu eina leiðslu uppá 13-12.

Tað, sum var serliga hugaligt at síggja, var, at tað vóru tær ungu sum vístu vegin. Serliga vóru tað Jansy og Tóru sum gjørdu um seg, tær skutu 8 mál hvør. Eisini Judith á høgra vongi stóð seg væl, hon gjørdi 5 mál. Annars góðu allar seg 100% gjøgnum allan dystin, og eiga tær rós uppiborið fyri avrikið.

Tillukku við sigrinum!