Stjørnan fekk javnleik í Vági eftir gysara í seinastu minuttunum

Mynd: Norðlýsið

Stjørnan fekk trý mál seinasta 1½ minuttin í dystinum í skeypakappingin móti VB

Tað bleiv til ein sannan gysara, tá kvinnurnar hjá VB og Stjørnuni leiktu dyst í speypakappingini í Vági í dag. Stjørnan kom betur frá byrjan og hevði eina leiðslu uppá 5-2, men spakuliga fekk VB minka um munin, og tá farið varð til hálvleiks, var støðan 11-10 til VB.

Tað gekk javnt á fyrstu løtuna í seinna hálvleik, men so kom stígur í málskjótingina hjá Stjørnunu. Tær skoraðu ikki í góðar 10 minuttir, og hevði VB ta løtuna fingið eina leiðslu uppá 5-6 mál. Men Stjørnan stríddi seg innaftur í dystin. Tá 1½ minuttur var eftir, var støðan 19-16 til VB, men tað eydnaðist Stjørnuni skora trý mál seinastu løtuna, meðan VB onki mál fekk, soleiðis at dysturin endaði við javnleiki 19-19.

Í steypakappinigini er tað soleiðis, at liðini er býtt í tveir bólkar við fýra liðum í hvørjum bólki. Tvey lið í hvørjum bólki koma víðari í hálvfinalurnar. Stjørnan er í bólki saman við Kyndil, VB og StÍF.

Seinastu dystirnir verða leiktir um eina viku. Tá skal Stjørnan á heimavølli leika móti StÌF, meðan VB á útvølli skal leika móti Kyndli, og tað kann blíva spennandi. Um úrslitini laga til fyrimunar fyri Stjørnuna, so er møguligt at koma í hálvfinaluna.

---