|
Seinasti dysturin hjá hvonn-deildini fyri jól var leygardagin, har Stjørnan leikti móti StÍF á Skála. Stjørnan byrjaði dystin væl og tá 11 minuttir vóru leiktir var Stjørnan á odda við 4-2 og hildu tær leiðsluna allan fyrra hálvleik og gjørdist hálvleiksstøðan 11-8 til Stjørnuna. Í seinna hálvleiki svaraði StÍF aftur og í 4 minutti høvdu strandakvinnur megnað at spælt seg upp til 11-11 og soleiðis fylgdust liðini bæði til 18 minutt har støðan var 15-15. Tá gekk betri hjá Stjørnuni og í 26. min. hevði Stjørnan leiðsluna 19-16, har veruligur støðgur kemur í við nógvum tekniskum feilum og Stíf kemur í 29. minutti uppá 19-19, sum gerst endaliga úrslitið. Við javnleiki móti StÍF á Skála hevur Stjørnan nú fingið stig í teimum teimum seinastu dystunum nú farið verið í jólaferiu og spennandi verður at møta Kyndil tann 10. januar í Klaksvík kl. 19. Besti málskjútti hjá Stjørnuni gjørdist Hervør Olsen við 5 málum og Jancy Jacobsen við 3 málum. Besti málskjútti hjá StÍF gjørdist Ninna K. Johansen við 5 málum og Birna T. Johannessen við 4 málum. |
Aðrir stuðlar
Úrslitatænastan
|