 Dysturin byrjaði væl fyri Stjørnuna í dag og væluppløgdu Stjørnukvinnurnar løgdu seg beinaveg á dystin. Stjørnukvinnurnar vístu sera flott spæl og verjan stóð eisini sera sterk allan fyrra hálvleik. Tá farið varð til hálvleiks móti StÍF í dag var hálvleiksstøðan 16-11 til Stjørnuna og vón var í høllini um at vit møguligani kundu klára bæði stigini í dag. Men í seinna hálvleik gjørdist dysturin ein heilt annar. Stjørnukvinnurnar byrjaðu væl og tá 8 minuttit vóru leiktir av seinna hálvleiki, var støðan 18-11 til Stjørnuna, men so kom stígur í. StÍF fór at mannsverja Duritu Ljósstein, og vísti tað seg, at hetta eydnaðist sera væl hjá StÍF. Ferð eftir ferð blivu mistøk gjørd í álopinum, og tað bleiv straffað við skjótum mótálopum frá StÍF. Sum hálvleikurin leið, minkaði munurin støðugt. Tað tiktist sum fjáltur kom á stjørnuleikarnar, m.a. blivu upplagdir málmøguleikar misnýttir. Og tað sigur nógv um gongdina, at Stjørnan bert fekk fýra mál í seinna hálvleiki. Tá 27 minuttir vóru leiktir av seinna hálvleiki javnaði StÍF til 20-20, og rættiligur spenningur var í dystinum, men fleiri mál komu ikki, og endaði dysturin sostatt javnur 20-20. Við hesum úrslitinum hevur Stjørnan so fingið sítt fyrsta stig og komandi dystur verður útidystur móti Kyndil mikudagin 2. november. Bestu málskjúttar hjá Stjørnuni vóru Durita Ljósstein við 6 málum, meðan Jancy Jacobsen og Hervør Olsen skutu 3 mál hvør. Hjá StÍF var besti málskjúttin Emmi I. Kass við 9 málum, meðan Birna T. Johannesen gjørdi 8 mál. Myndir: Norðlýsið |
Høvuðsstuðlar:
Aðrir stuðlar
Úrslitatænastan
|
