 Hósdagin 4. oktober kl. 18.30 verður fyrsti heimadystur hjá Stjørnukvinnunum í bestu deildini. Stjørnukvinnurnar taka ímóti Kyndil, har lagt er upp til ein spennandi dyst, har bæði liðini hava brúk fyri stigunum. Stjørnukvinnurnar eru so at siga tær somu, sum síðsta ár, umframt at Turið Laksá er løgd afturat, og stórur saknur er sjálvandi í vinstra bakkinum Jansy Jacobsen, ið ikki verður við hetta kappingarári. Stjørnan spældi fyrsta dystin í Tórshavn móti Neistanum, har Stjørnan tapti 20-23, eftir at hava verið frammanfyri í hálvleikssteðginum. Stjørnukvinnurnar høvdu góða verju, men høvdu trupulleikar í álopspartinum, har spælið tóktist óskipað og ongantíð fingu góða spælið fram frá seinasta kappingarár. Síðani leikti Stjørnan móti StÍF á Skala, har spælið gekk væl betri og aftur hesuferð var tað serligani verjan, ið stóð seg væl og megnaðu Stjørnukvinnurnar at spæla seg til javnleik og fingu soleiðis fyrsta stigið í kappingini. Vónandi fáa vit dyggan stuðul frá viðhaldsfólki okkara nú hósdagin í Kí- høllini.- Dysturin byrjar kl. 18.30. Koyr á Stjørnan! |
Aðrir stuðlar
Úrslitatænastan
|