Stjørnan megnaði ikki VÍF í kvøld

Lagt var upp til ein sera tættan dyst millum Stjørnuna og VÍF í kvøld, sum var seinasti heimadsturin í hesum kappingarárinum, men longu eftir 10 minuttir hevði VÍF lagt seg á odda við fýra málum og hildu tær leiðsluna allan fyrra hálvleik, sum var leiktur við sera høgari leikferð. Stjørnan vísti sera gott spæl, men kláraði tó ikki at byrgja upp fyri VÍF-kvinnunum í verjupartinum og hálvleiksstøðan gjørdist 11-18 til VÍF.

Munurin helt sær til á leið 17 minuttir vóru leiktir av seinna hálvleiki, og Stjørnan fær eina útvísing, tá 25 minuttir eru leiktir av seinna hálvleiki er so støðan 20-33. Endaliga støðan gjørdist 22-36 til VÍF.

Um spælið hjá Stjørnuni kann sigast, at tað gekk als ikki í hond í kvøld. Leikferðin sýntist at vera alt ov høg til leikarar okkara, sum gjørdi at vit høvdu nógvar feil avleveringar og harafturat nógvir brendir málmøguleikar.

Stjørnan hevur ein dyst eftir í hesum kappingarárinum og er hann á útivølli móti VB tann 15. apríl og rokna vit við, at Stjørnan kemur sterkt aftur. Koyr á Stjørnan!

Myndir: Norðlýsið

---