 Sunnudagin 4. februar tekur Stjørnan ímóti StÍF í Kí-høllini kl. 15 í steypakappingini. Eftir góða úrslitinum sunnudagin í Vági móti VB, har Stjørnan í síðstu minuttunum spældi seg til javnleik móti VB er lagt er upp til ein sera spennandi dyst sunnudagin. Megnar Stjørnan at vinna á StÍF og tapir VB móti Kyndil, so eru VB og Stjørnan javnar við stigum og koma málini at avgerða hvør kemur víðari í steypakappingini. Sigast kann, at alt skal ganga sera gott sunnudagin, um Stjørnan er víðari í steypakappingini, men møguleikin er har hóast hann er sera lítil. Stjørnan má vinna á StÍF við nógvum málum og VB tapa móti Kyndil. VB hevur í løtuni +12 mál og Stjørnan hevur -10 mál. Vit ynskja Stjørnukvinnunum ein góðan dyst og vóna at fáa góða hjálp frá viðhaldsfólki okkara sunnudagin! Koyr á Stjørnan! |
Høvuðsstuðlar:
Aðrir stuðlar
Úrslitatænastan
|