 Ársins fyrsti dystur hjá Stjørnuni hetta kappingarárið er sunnudagin 17. september móti Neistanum í Klaksvík kl. 15. Stjørnan hevur havt summarvenjing síðan síðsta kappingarár og verið á venjingarlegu í Danmark, har tær leiktu 3 venjingardystir. Um liðið kann sigast at tað sær sera spennandi út í ár, har liðið er styrkt á málmanspostinum við Raluk, ið er komin aftur til Stjørnuna at spæla og so tveir ungir og spennandi málverjar nevnliga okkara egnu leikarar Annika Arge og Jette Svøðstein. Einki er at taka seg aftur í, at Stjørnan er í menning. Orsakað av hesum, hava so nógvar tilmeldingar verið av kvinnum, ið vilja spæla hondbólt, at Stjørnan fyri fyrstu ferð í fleiri ár hevur meldað eitt 1. deildar lið til umframt Hvonndeildina. Aftaná dystin í Hvonndeildini ímillum bestu liðini hjá Stjørnuni og Neistanum, fara 1. deildarliðini hjá hesum báðum liðunum eisini at dystast. Tað er lagt upp til áhugaverdar dystir, tí vónandi fara vit at síggja menning í felag okkara og vóna at vit vera nógv, ið stuðla Stjørnuni sunnudagin, so vit kunnu fáa eina góða byrjan. Koyr á Stjørnan! |
Aðrir stuðlar
Úrslitatænastan
|