 Stjørnan byrjaði dystin sera rótut og tá 10 minuttir vóru leiktir av dystinum hevði Neistin longu lagt seg á odda 6-2. Neistakvinnurnar leiktu við sera skjótum tempo og var torført hjá Stjørnuni at dekka upp til skjótu álopini hjá Neistan og tá 25 minuttir vóru farnir av fyrra hálvleiki var støðan 14-6 til Neintan. Hálvleikstøðan gjørdist 8-16. Í seinna hálvleiki gekk betri hjá Stjørnuni og megnaðu tær at vinna fleiri bóltar og koma aftur í verju og tá tóktist tað sum at Neistakvinnurnar steðgaðu upp og Stjørnukvinnurnar endaðu við at tapa seinna hálvleik við einans einum máli. Dysturin endaði 24-33 til Neistan. Tóra Eliasen var aftur at síggja á liðnum eftir at hava stríðst við skaða og skeyt hon heili 6 mál fyri Stjørnuna og næst henni Sonja Lava Sirdal við 4 málum. Fyri Neistan gjørdist Marjun Damberg við heili 9 málum. Komandi dystur verður í Vági móti VB tann 20. november kl. 15 |
Aðrir stuðlar
Úrslitatænastan
|