Stjørnan tapti á Skála móti StíF

Mikukvøldið 21. oktober leikti Stjørnan á Skála móti StÍF í bestu deildini. Strandakvinnurnar vóru vælmannaðar og løgdu seg skjótt á dystin og gjørdist hálvleiksstøðan 12-7 til StÍF. Í seinna hálvleiki gekk spælið meira flótandi hjá Stjørnuni og  megnaðu tær at koma aftur, men eftir at fáa tvær útvísingar í sama minutti og at brenna fleiri upplagdar møguleikar stegðaði heilt upp hjá stjørnukvinnunum og strandakvinnur kundu aftur fara frá stjørnuleikarunum og vunnu tær dystin 22-15.

Fyri Stjørnuna gjørdis Jansy Jacobsen besti málskjútti við seks málum  og besti málskjútti fyri StÍF gjørdist Rebekka Justinussen við heili sjey málum.

Komandi dystur verður 6. oktober í høllini á Hálsi móti Neistanum kl. 18.30.

Koyr á Stjørnan!

---