Stjørnan tekur ímóti H71 hóskvøldið 30. nov.

Lagt er upp til ein spennandi hondbóltsdyst í KÍ-høllini nú hóskvøldið 30. november, tá Stjørnan tekur í móti H71. Stjørnan hevur nú 4 stig meðan H71 hevur 6 stig á stigartalvuni. Seinast hesi bæði liðini hittust á útivølli tapti Stjørnan tepurt 25-22 og var dysturin sera javnur millum bæði liðini.

Eftir tapið móti VB í vikuskiftinum hevur Stjørnan nú brúk fyri at reisa seg aftur og fáa nøkur stig heim til Klaksvíkar og vóna vit, at nógv møta í høllini hóskvøldið at stuðla okkara kvinnum.

Koyr á Stjørnan!

---