 Hetta vikuskifti verður hol sett á nýtt hondbóltskappingarár. Kvinnurnar byrja við at taka móti Kyndil í Klaksvík sunnudagin kl. 15.00. Una Váðklett og Annika K. Ljósstein hava staðið fyri fyrstu venjingunum í ár og eru tær væl nøgdar við uppmøtingina. Tær hava leikt tveir venjingardystir í móti StÍF. Úti á Skála bleiv tað til sigur til StÍF, meðan Stjørnan vann, tá liðini hittust í Klaksvík. Stjørnunliðið er nakað broytt í mun til seinasta kappingarár. Liðið er rættiliga ungt, og er stórt sæð mannað við egnum leikarum. Hvussu Kyndilsliðið er fyri vita vit ikki. Har hevur í øllum førum verið ein ávís frágongd. Turið Arge Samulesen og Mariann G. Eystberg eru farnar at leika við VÍF. Sum nevnt, so verður dysturin sunnudagin kl. 15.00. Koyr á Stjørnan |
Aðrir stuðlar
Úrslitatænastan
|