Stjørnan tekur ímóti Neistanum

Í kvøld kl. 18.00 verður dystur í KÍ-høllini millum Stjørnuna og Neistan. Dysturin hevur stóran týðning fyri Neistan í kappingini um koma í FM-finaluna. Støðan er tann, at VÍF er greitt oddalið við 24 stigum, meðan Neistin á øðrum plássi hevur 17 stig og H71 er á triðja plássi við 16 stigum. Kyndil er fjóðra plássi við 15. Neistin og H71 hava leikt 14 dystir, meðan Kyndil hevur leikt 13 dystir. Sostatt er kappingin um seinna finaluplássið rættiliga spennandi.

Seinasta sunnudag leikti Stjørnan móti oddaliðnum VÍF, og vóru tær væl við stóran part av dystinum. Um stjørnukvinnurnar fáa spælið at koyra og vísa sama vilja sum í dystsinum móri VÍF, kunnu tær uttan iva geva neistakvinnunum haðra mótstøðu.

---