 Norðlýsið skrivar, Oliver Joensen: Tað sá ikki gott út hjá Stjørnuni, tá farið varð til hálvleiks í dystinum ímóti Neistanum í kvøld. Hálvleiksstøðan var 17-9 til Neistan. Neistin kom væl frá byrjan og kom á odda 4-0. Stjørnuleikarnir høvdu trupult við at fóta sær, spælið hekk als ikki saman, hvørki í verju ella álopi. Venjarin hjá Stjørnuni man hava tosið við stórum stavum í hálvleikinum, tí tað var eitt hamskift stjørnulið sum kom á vøllin til seinna hálvleiki. Serliga var tað verjan sum stóð væl. Tá leiktir vóru 19 minuttir av seinna hálvleiki, hevði Neistin bert fingið eitt mál, meðan Stjørnan hesa løtuna hevði skorað fimm ferir. Stjørnan hevði fleiri upplagdar møguleikar til at minka enn meira um munin, men tær tóku ikki av, soleiðis at endaliga úrslitið gjørdist 24-20 til Neistan. Málini hjá Stjørnuni skutu: Mina Sirdal 6, Sonja Sirdal 6, Tóra Eliasen 3, Katrin Bertholdsen 3, Óluva A. Joensen 1 og Marið Heimustovu 1. |
Høvuðsstuðlar:
Aðrir stuðlar
Úrslitatænastan
|
