Stjørnan - VB sunnudagin 29.sept. kl 15:00

Sunnudagin 29. sept. kl 15.00 verður so fyrsti dysturin hjá Stjørnuni, leiktur í hesum kappingarárinum í Elektron deildini, hann verur millum Stjørnuna og VB, og verður hann leiktur í kí-høllini. Stórar broytingar eru framdar á besta liðinum hjá Stjørnuni. Nógvar útskiftingar hava verið og nógvar, ið hava mynda Stjørnuliðið tey seinastu árini, eru ikki at síggja í hópinum í ár. Stjørnan hevur fingið tveir útlendskar spælara, ein málverja og ein útispælara. Sum heild, er tað eitt sera ungt lið, sum Stjørnan hevur í ár. So er bara at vóna at tað fer at gangast teimum gott, og at nógv viðhaldsfólk møta upp sunnudagin til dystin.