Í góðveðrinum í dag luttók Stjørnan eisini í stóru skrúðgonguni á Norðoyastevnu. Góður siður er, at øll ítróttarfólk saman við skótunum, býráðs og bygdaráðslimum úr Norðoyggjum og við Klaksvíkar Hornorkestur á odda at luttaka í skrúðgonguni á Norðoyastevnu. Stjørnan hevur seinastu árini ikki verið at sæð í stóra fylginum og var tað tí lívgandi aftur at síggja, at okkara ítróttarfólk og hjálparfólk tóku uppgávuna alvorligt og møttu upp at umboða felagið. Tað var NFÍ, sum hevði fingið skrúðgonguna í lag og Marjun Lómaklett, prestur helt røðuna í Vágstúni í dag. Stjørnan ynskir at takka tykkum øll, ið møttu upp og vónandi vera vit enn fleiri at síggja í Stjørnubúna komandi ár. Myndir: Norðlýsið |
Høvuðsstuðlar:
Aðrir stuðlar
Úrslitatænastan
|