“Til Havnar vit fara” ....sunnudagin

Hetta vikuskiftið er stóra finaluvikuskiftið hjá hondbóltinum. Finalurnar verða allar leiktar í Høllini á Hálsi. Tað verður nógv gjørt burturúr, fyri at karmarnir skulu verða so góðir sum møguligt, m.a. verður serligt hondbóltsgólv lagt á.

Finalurnar hjá teimum vaksnu verða leygardag, meðan finalurnar hjá teimum ungu verða leiktar sunnudagin.
 
Okkara felag umboðað í tveimum finalum
Við Per Klarup sum høvuðsvenjara saman við góðum hjálparfólki, hava vit sæð eina støðuga menning millum okkara ungu leikara, og kunnu vit glaðast um, at tað hevur borið ta frukt við sær, at okkara felag verður umboðað í tveimum finalum hjá teimum ungu. Tað eru gentur 14 og gentur 17, sum hava leikt seg í finaluna. Í báðum førum er H71 mótstøðuliðið.
 
Umráðandi við góðum stuðli
Spennandi verður at síggja, hvussu tað fer at gangast okkara gentum í fianlunum. Tað er ógvuliga umráðandi, at okkara gentur fáa dyggan stuðul, fara vit við hesum at heita á viðhaldsfólk okkara um at møta mannsterk upp í Høllini á Hálsi sunnudagin, fyri at stuðla okkara gentum.
 
Dysturin hjá G14 byrjar kl. 15:50, og dysturin hjá G17 byrjar kl. 17:50
 
Koyra á Stjørnan.......
 

---