 Venjingin hjá teimum minstu, tvs. fyri tey sum eru í aldrinum 6 ár, 7 ár og 8 ár byrjar í morgin, mánadagin 3. september kl. 13.30 - 14.30 og vóna vit, at nógv møta upp til fyrstu venjingina í hesum kappingarárinum. Er onkur, sum ikki hevur tilmelað seg til hondbólt í hesum árganginum, so eru tit hjartaliga vælkomin at møta upp og royna tað at spæla hondbólt og einans hava innanduraskógvarnar við. Venjari er Per Klarup, sum venur øll liðini hjá Stjørnuni, og um onkur foreldur ella systikin hava hug at hjálpa honum til venjingarnar, skulu tit vera vælkomin. Vit leita eftir hjálparfólki til hendan aldursbólkin, so tað gerst lættari at fáa nógv burturúr venjingunum. U8/U6 spæla kappingar gjøgnum veturin og er talan um 4-5 kappingar, har vit sum felag skulu melda til hvørja ferð. So er møguleiki at vita hvussu nógv ynskja at spæla dyst og so melda vit liðini til hvørja ferð. Endamálið við hondbóltinum hjá teimum heilt yngstu er at læra at kasta, lofta, kenna reglarnar og so tað at venja motorikkin hjá børnunum, so tey gerast betri fyri. Hjartaliga vælkomin til hondbólt Við ítróttarkvøðu Stjørnan Her er eitt brot frá einari venjing seinasta kappingarár:)  |
Aðrir stuðlar
Úrslitatænastan
|